Gaaffiilee Yeroo Baay’ee Gaafataman

Xaafiin keenya qonnaan bultoota lafa baddaa, giddugaleessaafi kibba Itoophiyaatti argamaniifi oogummaa olaanaa qabaniin mala aadaa fi uumamaan oomishama. Maloota oomisha aadaa yeroo dheeraaf hojiirra oolaa tureefi haala yeroo waliin deemu tooftaalee tekinooloojii ammayyaan deggeruudhaan Gaanfa Afrikaa keessatti xaafii qulqullina sadarkaa olaanaa qabu walitti fufiinsaan oomishuu danda'u. Nutis midhaanota filatamoo ta’an qofa wiirtulee oomishaa irraa fudhanna.

Fageenyi imala karaa dheeraa qulqullinaafi qabiyyee nyaataa daakuu xaafii keenya mancaasuu waan danda’uuf kallattiidhaan Itoophiyaa irraa hin galchinu. Kanaaf sanyii xaafii filatamaa fageenya kamiyyuu dandamatu ergina. Midhaan xaafii keenya jalqaba Itoophiyaa irraa gara Jibuutii geejjibamuun, achirraan gara Awurooppaatti geejjibama. Bakka karoorfame erga ga’ee booda baabura miidhaanii keenya Faransaayitti argamutti daakuudhaan guyyoota muraasaaf qindeessuudhaan isin bira ga’a. Toiftaan kunis daakuu ho’aa, qabiyyee nyaataafi foolii xaafummaa isaa eegamee akka isin qaqqabu taasisa.

Nuti xaafii daakamee xumurame kuusaa keenyatti kuusnee qabanne osoo hin taane erga ajaji keessan nu qaqqabee booda baabura miidhaanii keenya Faransaayitti argamutti daakna. Midhaan xaafii keenya kanas adeemsa qophii nyaataa Itoophiyaa fi Ertiriyaa durii irraa eegalee ture hordofuudhaan of eeggannoodhaan baabura mala aadaan walsimutti daakuun qopheessina. Kunis daakuun keenya foolii uumamaafi qabiyyee uumamaan isaa akka eegamu mirkaneessa. Kun ammoo daabboofi buddeena filatamaa qopheessuuf baay’ee filatamaa taasisa.

Miidhaan xaafii keenya osoo hin ergin dura sirnaan addaan baafamee, qulqulleeffameefi sakattaa’amee qophaa’a. Qaamoleen tajaajila fe’isaa kennan kamiyyuu waraqaa ragaa sadarkaa qulqullinaa guutuu isaanii mirkaneessu qabaachuu qabu. Tarkaanfiiwwan adeemsa keessatti jechuunis midhaan addaan baasuu, daakuu, korojoo waraqaa tolfame kan korojoo pilaastikiirra qulqullinaafi eegumsa naannoof mijataa keessatti qopheessuu dabalatee eegumsaafi kunuunsa barbaachisaa ni taasifna. Sadarkaalee qulqullinaa olaanoo mirkaneessuudhaaf, daakuun xaafii keenya ulaagaalee danbiiwwan nyaataa Awurooppaa kan guutan tahuu isaanii mirkaneessuuf laaboraatoorii walaba ta’aniin ni qoratamu. Waa’ee qabiyyee oomisha keenyaa ilaalchisee wantoonni isin beekuu qabdan qodaa oomishi keenya ittiin dhiyaatuufi marsariitii keenya irratti ifatti ka’amee jira.

Xaafiin keenya orgaanikii miti, garuu ammoo adeemsa uumamaan oomishama. Midhaan xaafii keenya baay’een isaa qonnaan bultoota osoo xaa’oo keemikaala yookaan keemikaala farra ilbiisotaa hin fayyadamin adeemsa uumamaa fayyadamuun oomishan irraa argama. Kana mirkaneessuudhaaf xaafiin kamiyyuu Itoophiyaa irraa wayita fe’amu qabiyyeewwan nama miidhan irraa walaba tahuu isaa mirkaneessuudhaaf qorannoowwan laaboraatoorii ni gaggeefffamu.

Nuti yeroo mara iyyuu hanga danda’ametti atattamaan isin qaqqabsiisuuf qophiidha. Oomisha Keenya isin biraan ga’uudhaaf yeroon fudhatu baay’ina ajajameefi fageenya isin irratti argamtan irratti hunda’a. Haatahu malee hanga danda’ametti atattamaan isin biraan ga’uudhaaf kan hojjennu yoo ta’u , fageenya keessan irratti hundaa’uun guyyoota 3-7 tti isin biraan geenya. Ajajawwan fedhii irratti hundaa’an midhaan daakuun guyyoota 2-4 kan fudhatu yoo ta’u, geejjibuun fageenya biyya isin keessatti argamtanii irratti hundaa’uun sa’atii 24 -72 fudhata. Ajajawwan xixiqqoo (habga toonii 2) biyyoota ollaa Faransaayitti argaman biraan ga’uudhaaf guyyoota hojii 3-4 kan fudhatu yoo ta’u, ajajawwan gurguddoon fageenya dheeraa deeman guyyoota 7-10 fudhata.

Gatiin keenya baay’ina ajajame irratti hunda’a. Nubiratti maallaqa keessaniin gatii guddaa
argattu. Imeeyilii itti aanu kana fayyadamuun osoo hin ajajin dura waa’ee gatiif nu
dubbisaa: info@aromaimpex.com

Gurgurattoonni warri kaan baay’een isaanii xaafii daakame daakuu isaa kallattiidhaan Afrikaa irraa galchuun kuusanii achiin booda kan gurguran yoo ta’u nuti garuu erga isin ajajattanii booda daakuudhaan daakuu ho’aa isiniif dhiyeessina. Kana jechuun daakuun keenya yeroo dheeraaf kuufamee turee qabiyyee isaa waan hin mancaaneef daakuu ho’aa qabiyyee uumamaa isaa eeggate akka isiniif dhiyeessinuuf nu gargaara jechuudha. Dhaabbilee biroon daakuu isaanii korojoo pilaastikii kan eegumsa naannoof mijaataa hin taanetti kan saamsan yoo ta’u, nuti garuu qulqullina daakuu xaafii keenya eeguufi fayyaa pilaaneetii keenya tumsuuf korojoo waraqaa irraa tolfame fayyadamna. Baabura miidhaanii akkaataa mala aadaatiin daakee qindeessu waan fayyadamnuuf daakuu Xaafii qabiyyee fi foolii uumamaa xaafummaa isaa eeggate akka dhiyeessinuuf nu gargaara. Yeroo mara qulqullinaaf dursa kennina. Dhimma eegumsa naannoofis xiyyeeffannoo olaanaa kennina. Warshaan keenya Faransaayitti argamu aanisaa haayidiroo deebi’ee haareffamuufi anniisaa aduu fayyadamuun hojjeta. Qonnaan bultoonni Itoophiyaa qabeenya bishaaniifi naannoo isaanii akka kunuunsaniif ni tumsina.

Isin abbaa qabeenyaa giroosarii, restooraantii, mana daabboo yookaan kaaffeetii? Akkas taanaan samuuda oomisha keenyaa isiniif erguu dandeenya?

Eeyyee! Tokkoon tokkoon ajaja Xaafii Aroomaa/albuudaan badhaadhe/ dhimmoota
herregaa keessaniif naga’ee waliin ergamu!